In சினிமா சினிமா விமர்சனம்

பில்லா திரைவிமர்சனம்

பில்லா படம் பார்க்கச் சென்றிருந்தேன், அஜீத்தின் படம் என்பதனால் மட்டுமல்ல, விஷ்ணுவர்தன் இயக்கத்தில் வருவது என்பது கூட ஒரு காரணம். எனக்கு தமிழ் பில்லா நினைவில் இல்லை, ஆனால் ஒன்றிற்கு இரண்டு முறை பார்த்த ஷாருக்கின் டான் படம் நன்றாக நினைவில் இருந்தது. படத்தின் ஒருவரி விமர்சனம் வேண்டுமென்றால் நீங்கள் ஷாரூக்கின் "டான்" ரீமேக் படம் பார்த்துவிட்டீர்கள் என்றால் இந்த அஜீத்தின் பில்லா அதன் பக்கத்தில் கூட இல்லை, ஆனால் தமிழ்படங்களில் எடுக்கப்பட்ட விதத்தில் அசத்தலாகயிருக்கிறது. ஆனால் நான் டான் படத்தைப் போல ஒன்றை எதிர்பார்த்துச் செல்ல ம்ஹூம் ஒன்றுமேயில்லை.
 
"டான்" படத்தின் இந்தி ரீமேக்கின் பொழுது பழைய படத்தில் இருந்து வித்தியாசப்படுத்தியிருப்பார்கள், கடைசியில் டான் சாகாதது போலும் கடைசிவரை பிழைத்து இருப்பதைப் போலவும். அது போன்ற ஒரு கடைசி நிமிட திருப்பத்திற்கு வாய்ப்பேயில்லை என்று படத்தின் பாதியிலேயே தெரிந்துவிட்டது. தேங்காய் சீனிவாசன் கேரக்டர் கட். மற்றபடிக்கு எடுக்கப்பட்ட விதத்தைத் தவிர்த்து வேறு ஒன்றும் இல்லை இந்தப் படத்தில்.
 
அஜீத் குமார் பரவாயில்லை நன்றாக முயற்சித்திருக்கிறார், ஒன்றிரண்டு ஸ்டண்ட் காட்சிகள் அவர் செய்வது போல் இருக்கிறது அவர் தானா டூப்பா தெரியவில்லை. முக்கியமாக அந்தக் கார் 180 டிகிரி சுற்றுவதைப் போன்ற காட்சி. ஒருவேளை ரஜினியை ரிப்ளேஸ் பண்ணமுடியலையா தெரியலை ஆனால் அஜீத்குமார் ரஜினி கதாப்பாத்திரத்தில் ஒட்டவேயில்லை, ஏனென்றால் அஜீத் வில்லனாகயில்லாமல் ஹீரோவாக வந்தவர் என்பது கூட காரணமாகயிருக்கலாம். பில்லா என்பது வில்லன் கேரக்ட்டரின் படம் எனக்கென்னமோ அஜீத் ஒட்டாமல் இருப்பதாகவே பட்டது.
 
நயன்தாரா நன்றாக ஆட்டிக் காண்பித்திருக்கிறார் எதையென்று நான் சொல்ல விரும்பவில்லை, இடையில் பிகினியில்(technically பிகினின்னு சொல்லமுடியாது) வேறு வருகிறார். "டான்" பிரியங்கா சோப்ரா கண்ணில் நிற்கிறார், இங்க ம்ஹூம் வேறென்னமோ தான் கண்ணில் நிற்கிறது. ஸ்ரீப்ரியா கேரக்டரை சப்பென்று ஆக்கிவிட்டார்கள். அதில் இந்தம்மா(நயன்தாரா) இரண்டு தடவை வேறுவேறு காலக்கட்டங்களில் கால்ஷீட் கொடுத்திருக்கும் போலிருக்கிறது, புருவம் இருக்கிற அழகை வைத்தே சொல்லமுடிகிறது. பாதிநேரம் காட்டிக்கொண்டே நிற்கிறது மார்கெட் கவிழ்ந்து கொண்டிருக்கிறதோ? உருப்படாதது நாராயணன் பதிவில் சொல்லியிருந்தேன் பக்வாஸ் செய்திருப்பார்கள் என்று அப்படியே.
 
நமீதா பாவம் அவருண்டு சத்யராஜ் சிபிராஜ் படமுண்டு என்று இருந்தவரை செகண்ட் ஹீரோயின் என்று சொல்லி அழைத்துவந்து ஒத்தை பாட்டுக்கு டான்ஸ் ஆடவிட்டு காலிசெய்வதை இப்பொழுதெல்லாம் இயக்குநர்கள் ஒரு வேலையாக வைத்திருக்கிறார்கள் என்று நினைக்கிறேன்.
 
படம் ஸ்டைலிஷ்ஷா எடுத்திருக்கிறார் இயக்குநர், பாடல்கள் படமாக்கப்பட்ட விதம் நன்றாகயிருக்கிறது. முதல் பாடல் 'செய்' நன்றாக வந்திருக்கிறது. இயக்குநரின் ஃபேவரைட்டான 'ராப்' வகை நடனம் இந்தப்படத்திலும் இருக்கிறது. ஸ்டண்ட் நன்றாகச் செய்திருக்கிறார்கள், ரொம்பக் காலம் கழித்து(இல்லை முதல் முறையோ) ஏகே 47 வகையறா துப்பாக்கியை கூடவரும் போலீஸ்காரர்கள் சரியாகப் பிடித்திருக்கிறார்கள். விஜயகாந்த் படங்களில் அதென்னமோ டப்பா துப்பாக்கின்னு தெரிஞ்சாலும் ஒரு கெத்தா பிடிப்பாங்களான்னா அது கிடையாது. அந்த விதத்தில் இயக்குநரை பாராட்டலாம், ஸ்டண்ட் நன்றாக உழைத்து செய்திருக்கிறார்கள்.
 
டூப்ளிகேட்-பில்லா போலீஸிடம் தப்பிக்கும் சீனை வெகு ஆவலாக எதிர்பார்த்திருந்தேன், மொக்கை, மொக்கை, என்ன சொல்றது ஒரு வேனை வைத்து முடித்துவிட்டார்கள். என்னயிருந்தால், எவ்வளவு தான் எனக்கு நானே மறுத்துக் கொண்டாலும், டானில் அற்புதமாக வந்திருந்தது அந்த சீன். எனக்கும் புரிகிறது எத்தனை காப்பி ஹிந்தி படம் போடுகிறார்கள் எத்தனை காப்பி தமிழ்படம் போடுகிறார்கள் என. ஆனாலும் என்ன செய்வது பாழும் மனம் ஒத்துக்கொள்ள மறுக்கிறது. சரி பட்ஜெட் பத்தலை என்றாலும் கதையையாவது மாற்றியிருக்கலாமே ஒரு ட்விஸ்ட் வருகிற மாதிரி. ம்ஹூம்.
 
நான் இந்தி டான் அளவு எதிர்பார்த்திருக்காவிட்டாலோ இல்லை இந்தி டான் ரீமேக் பார்த்திருக்காவிட்டாலோ ஒருவேளை பிடித்திருக்குமோ தெரியவில்லை. தமிழ்நாட்டில் ஓடுமாயிருக்கும் விகடன் 41 தருவார்களாயிருக்கும். இந்த விமர்சனமும் பாரபட்சமுடையதாகவே பார்க்கிறேன், இதை மட்டும் வைத்து எந்த முடிவிற்கும் வராதீர்கள் இன்னும் நாலுபேர் சொல்வதைக் கேளுங்கள். வர்ட்டா இந்தப் படத்தை இன்னொரு தடவை வேறு பார்க்கணும், கிர்ர்ர்ர்ர்ர்ர்ர்ர்ர்ர்ர்ர்ர்ர், மம்மிமிமிமிமிமி.









Related Articles

21 comments:

  1. நயந்தாரா கைய கால ஆ(கா)ட்டி நடிச்சா உமக்கு ஏன் இம்புட்டு கவலை...

    ஹி..ஹி..

    ReplyDelete
  2. ஷ்ரேயாவிற்காய் இன்னொரு முறை சிவாஜி பார்த்தமாதிரி, நயந்தாராவிற்காய் இன்னொரு முறை பில்லா பார்க்கப்போகின்றேனென நேரடியாகவே சொல்லியிருக்கலாம் :-).

    ReplyDelete
  3. This post has been referred in blogkut.com. thanks for your co-operation.

    ReplyDelete
  4. நமீதா பாவம் அவருண்டு சத்யராஜ் சிபிராஜ் படமுண்டு என்று இருந்தவரை செகண்ட் ஹீரோயின் என்று // ஹா... ஹா... ஜூப்பர்

    ReplyDelete
  5. இரண்டாம் சொக்கன்,

    என்ன சொல்ல நீங்க நான் மறைமுகமா சொன்னதையே சரியா புரிஞ்சிக்கிட்டீங்க போலிருக்கு!

    ReplyDelete
  6. dj,

    ஆனாலும் உங்கக்கிட்ட இனிமேல் ஜாக்கிரதையாத்தான் பழகணும் போலிருக்கு. ரகசியத்தை எல்லாம் லீக் அவுட் பண்ணிடுறீங்க. ஹிஹி.

    ReplyDelete
  7. இளா,

    உங்களுக்கு ஒரு விஷயம் சொல்லணும் தனிப்பட்ட முறையில் சொல்றேன்.

    ReplyDelete
  8. செல்வேந்திரன்,

    அதென்னமோ தெரியலைங்க இப்பல்லாம் நமீதாவைப் பார்த்தா பாவமாயிருக்கு, அழகிய தமிழ்மகனில் தான் அப்படின்னா. பில்லாவிலும் ஒரு பாட்டு டான்ஸ் என்று அசிங்கப்படுத்தியிருக்கிறார்கள்.

    ரசிகர் மன்றத்தில் உறுப்பினர் இல்லையென்றாலும் அப்படியே உடம்பெல்லாம் நடுங்குது. ஹிஹி.

    ReplyDelete
  9. மோகன் தாசூ,

    உமக்கு மண்டைல சமீபத்துல அடிபட்டுச்சோ, ஷாரூக் நடிச்ச டான் படத்த ஆஹா ஒஹ்ஹோ சொல்றீர், அதுவே ஒரு ஊத்தல் படம், நல்லா இருந்தா ஓடி இருக்காதா!

    அது போல இல்லைனு சொல்லும் போதே தெரியுதே இந்த பில்லா நல்லா இருக்கும்னு.(நான் இன்னும் அந்த நாசமா போன படத்த பார்க்கல, இனிமே கண்டிப்பா பார்த்துடுவேன் நயன் நல்லா காட்டுதுனு சொன்ன பொறவும் பார்க்காம இருப்பனா)

    நீர் போட்டது என்ன வீக் எண்ட் ஜொள்ளா இந்த பில்லா பட விமர்சனம், படத்துல இல்லாத நயந்தாரா படத்தை எல்லாம் போட்டு காட்டி இருக்கீர்!

    அம்புட்டு ஜொள்ள விட்டுப்புட்டு இங்கே வந்து பெரிய சாணக்கியன் போல காட்டி இருக்கிறது புடிக்கலைனு சொல்றீர்! ஏன் நாங்களும் போய் என்னத்தா காட்டி இருக்கு அம்மணி போய் பாக்க வேணாமா?

    உமக்கு தமிழ் படம் பார்க்கிறது எப்படினு ஒரு கிராஷ் கோர்ஸ் எடுக்கனும் போல இருக்கே, இந்தி படத்துல ஷாருக் பையன் என்னா பண்ணாலும் ஆகா ஒஹோனு சொல்ற அளவுக்கு முத்தி போய்ல இருக்கீர்.

    osm ல என்ன பெரிசா பன்ணீட்டான் இந்த ஷாருக், அப்போ சத்யராஜ் பண்ணத தானே இப்போ இந்தில பண்ணி இருக்கான், அதுக்கு என்னமோ ஆஹா ஒஹோ னு சொல்றாங்க , தமிழன் செய்றத தான்யா உலகமே திரும்ப செய்யுது!

    ReplyDelete
  10. வவ்வால்,

    எனக்கு ஷாரூக்கின் நடிப்பு பிடிக்காது, டூப்ளிகேட் வகையறா நடிப்பையெல்லாம் ஷாரூக் மறந்துட்டார். க்க்க்க்க்கிரண்ண்ண்ண்ண்ண் என்று ஒரு அலரல் விடுவார் பாருங்க கொலை நடுங்கும். இப்ப ஆளு புல் ஃபார்மில் இல்லை ஒத்துக்குறேன். ஆனால் டான் எடுத்த விதத்தைப் பற்றி பேசினால் இன்னும் எவ்வளவு வேண்டுமானாலும் பேசலாம்.

    இந்தப் படத்தை கோலிவுட்டின் stylishஆன படமா எடுத்திருக்காங்க என்பதை ஒத்துக் கொள்கிறேன், நீரவ்ஷாவின் ஒளிப்பதிவு பிரம்மாண்டம். ஆனால் இவ்வளவு செய்தவர்கள் கதை விஷயத்தில் கோட்டை விட்டுவிட்டார்களா தெரியவில்லை.

    மேபி ரஜினியின் தாக்கம் இருந்துதா தெரியலை! ஆனால் என் எதிர்பார்ப்பை நிவர்த்தி செய்யலை.

    ----------------------

    கூடுதலா ஒரு விஷயம் முதல் முறை 3.30 படம் என்பதால் வெகுவாக கூட்டம் இல்லை முதல் நாள் முதல் ஷோன்னு நினைக்கிறேன். ஆனால் 9.30 க்கு ஹவுஸ்புல், ஒரு விஷயம் கவனித்தேன் பிரபு வரும் காட்சிகளில், வசனங்களில் தியேட்டரில் சக்க ஓட்டு ஓட்டுகிறார்கள். ;)

    ReplyDelete
  11. என்னடே பாரிஸ் ஹில்டன் போட்டோ ல்லாம் தீர்ந்து போச்சாடே.. நயன்தாரான்னு இறங்கிட்டியேடே. பாரிஸ் ஹில்ட்டன் போட்டோ தீர்ந்ததும் அவரோட வீடியோ ரெண்டு போடுவேன்னு பேசிக்கிட்டாங்களேடே. நீயென்னடா என்றால் இப்படி நயன்தாராக்கு மாறிட்டியேடே. சரிடே வயசுக்கோளாறுலயும் பகுத்துண்டு பல்லுயிர் ஓம்புதல்னு வள்ளுவனைப் பின்பற்றுகிறாயடே. அதுப் பச்சைத் தமிழனுக்கு அடையாளம்டே. நல்லா இருங்கடே - பி.கே. சிவகுமார்

    ReplyDelete
  12. such a stupid comment,really its a good try and the result of the movie is also good

    ReplyDelete
  13. nayankage padathe parthe aganum pola...

    ReplyDelete
  14. டான் படமே சுமாரான படம் தான். (டெக்னிகல தவிர்த்து) அதை விட இது சுமார் னு சொல்லிட்டதால்.

    எந்த எதிர்பார்ப்பும் இல்லாம நயனை நம்பி போய் பாக்க வேண்டியது தான். ஏதும் படத்தில் இருந்தா அடுத்த தடவை போய் அதை பாத்துக்க வேண்டியது தான்.

    ReplyDelete
  15. ஏற்கனவே சொல்லியதென்றாலும்,

    தலை தலையாக
    அடித்துக் கொண்டாலும்
    தலையே தலை

    புதிதாக...

    ஆனால் விலையோ
    வெகு அதிகம்...

    வேறு என்ன சொல்ல

    ReplyDelete
  16. It was a good sceenplayed and rich movie.
    Nayantara was also very good.

    Some people thinks themselves as 'periya....'
    un expectationa meet panlena, enna??? evan kettaan?

    When you praise, Don....so much, we can understand your taste...

    ReplyDelete
  17. பிகேஎஸ்,

    இல்லை பாரீஸ் ஹில்டனில் இருந்து நான் எப்பொழுது ஜம்ப் ஆகிவிட்டேன். இப்பொழுது Hayden Panettiere இருக்கிறேன் இது எவ்வளவு நாளா ஆண்டவனுக்குத்தான் வெளிச்சம் ;).

    பாரீஸ் ஹில்டன் வீடியோவை நான் போட்டிருந்தால் எல்லோரும் என்னை வெளியில் அடித்து துரத்தியிருப்பார்கள்.

    ReplyDelete
  18. achi, anonymous ஒப்பினியன் டிஃபர்ஸ் என்று கேள்விப்பட்டிருக்கிறீர்களா?

    உங்களுக்குத் தேவையானதை நான் எழுதியிருந்தால் எடுத்துக்கொள்ளுங்கள், அப்படியில்லை என்று நீங்கள் நினைக்கும் பொழுது சாதாரணமாய் குப்பைத்தொட்டியில் போட்டுவிடுங்களேன்.

    ReplyDelete
  19. ஜ்யோவ்ராம் சுந்தர்,

    எனக்கும் என்ன சொல்றதுன்னே தெரியலை ;)

    ReplyDelete
  20. //ஏனென்றால் அஜீத் வில்லனாகயில்லாமல் ஹீரோவாக வந்தவர் என்பது கூட காரணமாகயிருக்கலாம்//

    வாலி?

    மொத்தத்தில் இந்தி (டான்) தான் உசத்தி என்கிறீர்கள்.

    ReplyDelete
  21. சீனு,

    வாலியை எல்லாம் கணக்கில் எடுத்துக் கொள்ள முடியாது. வாலி கதாப்பாத்திரம் வேறு. நான் சொல்வது '16 வயதினிலே' பரட்டை மாதிரியான ஒரு கேரக்டர் பற்றி பேசுகிறேன்.

    ஏற்கனவே அவர் சாக்லேட் பேபி கணக்காத்தான் இருக்காரு. சைலன்ட் கில்லர் எல்லாம் சரிதான் ஆனால் என் மனதில் அந்த எஃபெக்ட் வரலை!

    ReplyDelete

Popular Posts